नेकपा महासचिव विष्णु पौडेल पनि प्रचण्ड-माधव समूहमा आउने यस्तो चर्चा

पोखरा, १८ पुस ।

नेपाल कम्युनिष्ट पार्टी (नेकपा) का महासचिव विष्णु पौडेल पुष्पकमल दाहाल र माधवकुमार नेपाल समूहमा आउने चर्चा चलेको छ । उनी हाल प्रधानमन्त्री केपी शर्मा ओली समूहमा छन् । संसद विघटन भएपछि पार्टी फुटको संघारमा पुगेको छ । दुवै समूहले छुट्टाछुट्टै गतिविधि सञ्चालन गरिरहेका छन् ।

पार्टी विभाजन भएपछि पुष्पकमल दाहाल र माधवकुमार नेपाल समूहले तत्कालै महासचिव चयन नगर्ने नीति लिएका छन् । सर्वोच्च अदालतबाट संसद पुनःस्थापना भए वर्तमान महासचिव विष्णु पौडेल नै आफ्नो समूहमा आउने भएपछि तत्काल महासचिव चयन नगरिएको बताइएको छ ।

केन्द्रीय कमिटीको बैठकले महासचिव चयनका लागि स्थायी कमिटीलाई अधिकार दिएको भए पनि सो पदमा सुरेन्द्र पाण्डे, भीम रावल, घनश्याम भूषाल, जनार्दन शर्मा, वर्षमान पुनको दावी रहेपछि दाहाल नेपाल दुवैले केही समयलाई स्थगित गरेका थिए ।

विभाजनको केही दिनपछि शीर्ष नेताहरुको छलफलका क्रममा नेता पाण्डेलाई महासचिव बनाउने तयारी भएको थियो । झलनाथ खनालको प्रस्तावमा पाण्डेलाई महासचिव प्रस्ताव गरिएको भए पनि आकांक्षी धेरै भएपछि रोकिएको थियो ।

एकीकृत नेकपाका महासचिव विष्णु पौडेल अध्यक्ष केपी शर्मा ओली नेतृत्वको समूहमा बसेपछि दाहाल नेपालले पाण्डेलाई आफ्नो समूहबाट छान्न लागेका थिए ।

नेकपा एमालेको नवौं महाधिवेशनमा नेपाल प्यानलबाट महासचिवमा प्रतिस्पर्धा गरेका पाण्डे ओली प्यानलका ईश्वर पोखरेलसँग छ मतले पराजित भएका थिए । खनालको प्रस्तावमा नेता पाण्डे महासचिव हुने पक्का पक्की भए पनि संसद पुनःथापना भए वर्तमान महासचिव पौडेल नै दाहाल नेपाल समूहमा आउन सक्ने उनीहरुको आँकलन छ ।

विभाजनपछि प्रचण्ड नेपाल दुवै अध्यक्ष भएपछि वरिष्ठ नेता खनालले आफूले भनेको नेता महासचिव हुनुपर्ने अडान लिएका थिए । खनाल एकीकृत नेकपामा जस्तै दाहाल नेपाल समूहमा पनि तेस्रो वरीयतामा छन् । नेकपामा चौथो वरीयताका वरिष्ठ नेता नेपाल दाहाल समूहमा अध्यक्ष बन्दै दोस्रो वरीयतामा आएका छन् ।

नेपाल समूहका भीम रावल र घनश्याम भूषाल पनि महासचिवको आंकाक्षी रहेका भए पनि शीर्ष नेताहरुबीचमा पाण्डेलाई अघि सार्ने तयारीमै रोकिएको थियो । ‘अबको केही दिन हेरौं त्यसपछि महासचिवको पोजिसनमा को आउने हुन क्लियर हुन्छ’, नेपाल समूहका नेता बेदुराम भूषालले भने, ‘महासचिव चयनमा कुनै समस्या छैन अहिले कसैलाई कारवाही नगरेका कारण यता तिर महासचिव चयनमा ढिलाई भएको हो केही दिनमै निर्क्यौल हुन्छ ।’

उनका अनुसार अहिले आन्दोलनकै क्रममा रहेकाले पनि महासचिव र अन्य पदाधिकारी चयनमा हतार नभएको हो ।

‘प्रधानमन्त्रीको असंवैधानिक कदमका विरुद्ध आन्दोलन जारी रहेको छ आन्दोलनका थप कार्यक्रमहरु पनि निर्धारण हुने क्रममा रहेकाले महासचिव अन्य पदाधिकारी चयन गर्नेकुरा प्राथमिकतामा छैन । साथै अहिलेको अवस्थमा पार्टी विभाजन नभएकाले कोही कोही भूलवश उतातिर लागेका रहेछन् भने यता आउन ढोका खुला रहेको छ ’, स्थायी कमिटी सदस्यसमेत रहेका नेता भूषालले भने ।

Related Articles

Leave a Reply

Your email address will not be published. Required fields are marked *

Back to top button
Close