पुराना फर्म नवीकरण गरिदिन माग, मन्त्री सकारात्मक

पोखरा, १३ पुस ।

नेपाल उद्योग वाणिज्य महासंघ गण्डकी प्रदेशले जरीवाना लिएर पुराना प्राइभेट फर्महरु नवीकरण गरिदिन गण्डकी प्रदेश सरकारसंग माग गरेको छ ।

महासंघ गण्डकीका अध्यक्ष संजिवबहादुर कोइरालाको नेतृत्वमा रहेको प्रतिनिधिमण्डलले गण्डकीका मुख्यमन्त्री पृथ्थीसुब्बा गुरुङ तथा यहाँका उद्योग, पर्यटन वन तथा वातावरणमन्त्री विकास लम्साललाई ज्ञापनपत्र बुझाउँदै यस्तो माग गरेको हो ।

नेपाल सरकारले २०७६ को फागुनमा राजपत्रमा सूचना प्रकाशित गरी प्राइभेट फर्म रजिष्टे«शन नियमावलीमा संशोधन भएको जानकार गराउँदै विगतमा विविध कारणवाट नवीकरण हुन छुटेका फर्महरु २०७७ साल असारदेखि खारेजी गरिदिएको थियो ।

फर्महरु खारेजीमा परेपछि व्यवसायीहरुलाई बैंक तथा वित्तीय संस्थावाट लिएका ऋणहरु नवीकरण गर्न, विभिन्न सरकारी तथा गैरसरकारी कार्यालयद्धारा आह्वान गरिएका टेण्डर भर्नमा असुविधा भएको थियो ।

व्यवसायीहरुले विलम्ब शुल्क तिरेर फर्म दर्ता नवीकरण गर्न पाउनुपर्ने आवाज उठाएपछि सोही माग लिएर नेपाल उद्योग वाणिज्य महासंघ गण्डकीका अध्यक्ष कोइराला, नेपाल उद्योग वाणिज्य महासंघका केन्द्रीय सदस्य तथा पोखरा उद्योग वाणिज्य संघका अध्यक्ष दामु अधिकारी, लेखनाथ उद्योग वाणिज्य संघका पूर्वअध्यक्ष लक्ष्मी त्रिपाठी, नेपाल उद्योग वािणज्य महासंघ गण्डकीका उपाध्यक्ष मोती भुजेल र कार्यसमिति सदस्य सूर्य भुजेल गण्डकी सरकार कहाँ पुगेका हुन् ।

ज्ञापनपत्र बुझ्दै गण्डकीका उद्योगमन्त्री विकास लम्सालले व्यवसायीहरुको समस्या सल्टाउन गण्डकी सरकार र आफ्नो मन्त्रालय सकारात्मक भएको बताए ।

उनले आउँदो मन्त्रीपरिषदको बैठकमा यो विषय राख्ने प्रयत्न गर्ने जानकारी दिँदै व्यवसायीहरुको समस्या समाधानका लागि नीतिगत रुपमै बाटो खोजिने पनि बताए ।

 

Related Articles

Leave a Reply

Your email address will not be published. Required fields are marked *

Back to top button
Close