समाचार

बैशाख २०, २०७८ सोमबार

पोखरा । कप्तान लियोनल मेस्सीको उत्कृष्ट प्रदर्शनमा स्पेनिस ला लिगा फुटबलमा बार्सिलोनाले जित निकालेको छ । आइतबार राति भएको खेलमा बार्सिलोनाले भ्यालेन्सियालाई ३-२ गोलले पराजित गरेको हो ।

भ्यालेन्सियाको मैदानमा बार्सिलोनाले पुनरागमन जित निकालेको हो । बार्सिलोनाको जितमा लियोनल मेस्सीले दुई गोल गरे । एन्टोनियो ग्रीजम्यानको नाममा एक गोल रह्यो ।

भ्यालेन्सियाका गाब्रियल पौलिस्टा र कार्लोस सोलेरले एक-एक गोल फर्काए । जितसँगै बार्सिलोनाले ३४ खेलमा ७४ अंक जोडेको छ। बार्सिलोना तेस्रो स्थानमा रहेको छ। भ्यालेन्सिया ३६ अंकसहित १४औं स्थानमा रहेको छ ।