राप्रपाको अध्यक्षका लागि राजेन्द्र लिङ्देनद्धारा उम्मेदवारी घोषणा

मंसिर ९, २०७८ बिहीबार

काठमाडौं । राष्ट्रिय प्रजातन्त्र पार्टी (राप्रपा) को अध्यक्षका लागि राजेन्द्र लिङ्देनले उम्मेदवारी घोषणा गरेका छन् ।

काठमाडौँमा पत्रकार सम्मेलन गरेर लिङ्देनले महामन्त्रीका उम्मेदवार धवल शमशेर राणाको समर्थनमा अध्यक्ष पदमा उम्मेदवारी घोषणा गरेका हुन्।

अध्यक्षत्रय पशुपतिशमशेर जबरा, कमल थापा र डा. प्रकाशचन्द्र लोहनीले पार्टीलाई बन्धक बनाएको आरोप लगाउँदै उनले आफू ढुक्कसँग जित्ने दाबी गरे ।

बाँकी पदमा पछि घोषणा गरिने बताइएको छ । अध्यक्षमा उम्मेदवारी दिन लागेका लिङ्देन प्रदेशमा बलियो मानिन्छन् ।

राप्रपाको महाधिवेशन १५-१७ मंसिरमा हुँदै छ ।