मुग्लिन-नारायणगढ सडकखण्ड दुईतर्फी नै अवरुद्ध

साउन २०, २०७९ शुक्रबार

फाइल तस्वीर

पोखरा । मुग्लिन-नारायणगढ सडकखण्ड फेरि अवरुद्ध भएको छ । भरतपुर महानगरपालिका वडा नंं २९ केराबारीस्थित मौरी पुलमा पहिरो जाँदा गएराति रातिदेखि सडक अवरूद्ध भएको हो । 

जिल्ला प्रहरी कार्यालय चितवनका अनुसार राति २ बजेतिर लेदोसहितको पहिरो खसेपछि दुईतर्फी रूपमै यातायात अवरूद्ध भएको हो । 

पहिरो खस्नेक्रम नरोकिएकाले पहिरो पन्छाउन नसकिएको प्रहरी प्रवक्ता डिएसपी नरहरि अधिकारीले जानकारी दिए । पहिरो ठूलो भएको पन्छाउन समय लाग्नसक्ने देखिएको उनले बताए ।