माघ १५, २०७९ आइतबार
प्रतिकात्मक तस्वीर
पोखरा । पोखरामा आगोले जलेर दुई जना घाईते भएका छन् । घाइते हुनेमा पोखरा महानगरपालिका वडा नं. १३ की संगीता सापकोटा र संगीताको घरको डेरामा बस्दै आएका ४३ वर्षका कृष्णबहादुर क्षेत्री रहेका छन् ।
उनीहरुको पश्चिमाञ्चल क्षेत्रीय अस्पतालमा उपचार भइरहेको जिल्ला प्रहरी कार्यालय कास्कीले जनाएको छ । उनीहरु दुवैको अवस्था गम्भीर रहेको छ ।
छिमेकीका अनुसार कृष्णबहादुरले वाथरुममा पसेर आफ्नै शरीरमा आफैले पेट्रोल खन्याएर आगो लगाएका थिए ।
सो आगो निभाउनेक्रममा संगीता पनि जल्न पुगेको एक छिमेकीले बताए । उनीहरुलाई छिमेकीले नै तत्कालै उद्धार गरि अस्पताल पुर्याएका थिए ।
पश्चिमाञ्चल क्षेत्रीय अस्पतालका अनुसार कृष्णबहादुरको शरीर २५ प्रतिशत र संगीताको शरीर ७५ प्रतिशत जलको छ ।
कृष्णबहादुरले आफूले नै आगो लगाएको बताएको अस्पताल श्रोत बताउछ ।
कृष्णबहादुरले आत्मदाह प्रयास गरेको हो वा होइन भन्ने कुराको अनुसन्धान भइरहेको प्रहरीले जनाएको छ ।
